Misir məhkəməsi "Müsəlman Qardaşları" liderinə ölüm hökmü çıxardı

"Müsəlman Qardaşları" Təşkilatı rəhbərlik şurasının sədri Məhəmməd Bədii haqqında ölüm hökmü çıxarılıb.

Ahlibeyt.az-ın Anspress-ə istinadən verdiyi məlumata görə, Misir məhkəməsi Məhəmməd Bədii ilə yanaşı, əlavə 13 nəfər barəsində də ölüm hokum çıxarıb.

Dövlət çevrilişinə görə ittiiham edilən Bədii bundan əvvəl də bir neçə iş səbəbilə ölüm hökmü alsa da, cəzası ömürlük həbslə əvəz edilib. Lakin bu dəfə hökmün icrası barədə qərarın təsdiq edilməsi üçün Misirin baş müftisinə sənəd göndərilib. Qərarın gələn ay verilməsi gözlənilir.

Müsəlman Qardaşlarının liderliyinə 2010-cu ildə gələn Bədii 1965-ci ildə həbs edilib və hərbi məhkəmə tərəfindən 15 il cəza alıb. 1974-cü ildə təşkilatın məhkumları ilə birlikdə həmin dövr yeni seçilən dövlət başçısı Ənvər Sədat tərəfindən şərtlə azadlığa çıxıb. 2013-cü ilin avqustunda isə yenidən həbs edilib.