İraq qüvvələri Tikrit şəhərinin mərkəzinə daxil oldu

İŞİD terror təşkilatına ağır zərbə vurulub.Məlumatlarda bildirilir ki, koalisiya qüvvələrinin havadan hücumları nəticəsində Səlahəddin və Anbar şəhərlərində  400-ə qədər İŞİD-çi məhv edilib.

İraqdan gələn son xəbərlərə görə, hökumət qüvvələri Tikrit şəhərinin daxil oldular.

Ahlibeyt.az-ın Shafaqna-ya istinadən verdiyi xəbərə görə, İraqın "Qızıl Briqada" adlı təhlükəsizlik qüvvələri və könüllülərdən ibarət  xalq briqadaları şəhər mərkəzinə daxil olublar.

Terrorçular tərəfindən quraşdırılan xüsusi pusqu və minalanamış sahələr şəhər mərkəzindən təmizlənir. Ordunun yüksək rütbəli zabitlərindən birinin yerli telekanala  verdiyi açıqlamada bildirib ki, Səddamın müavini İzzət əl-Durrinin sarayını "İŞİD" terroçulardan azad edilib.

Məlumatlarda qeyd olunur ki, İraq müdafiə naziri Xalid Əl Ubeydi bölgəyə səfər edib və həyata keçirilən əməliyyatlara bağlı əhalini məlumatlandırıb. Nazirin sözlərinə görə, bir çox bölgə İŞİD-in əlindən geri alınıb:

Əməliyyatlar zamanı  bölgələrdə İŞİD-ə aid çox sayda silah anbarları məhv edilib. Quru əməliyyatlarına havadan da təyyarələrlə dəstək verilib".

İraq müdafiə naziri qeyd edib ki, Əl Gürman bölgəsində isə 13 kənd İŞİD-dən təmizlənib. Nazir qeyd edib ki, həmin bölgədə 43 İŞİD-çi öldürülüb.