Azərbaycanla Tacikistan arasında din sahəsində əməkdaşlıq müzakirə olunub

Azərbaycanın Tacikistandakı səfiri Abbasəli Həsənov bu ölkənin hökuməti yanında Dini Məsələlər üzrə Komitənin sədri Suleyman Davlatov ilə görüşüb.

Ahlibeyt.az-ın verdiyi xəbərə gröə, Səfirlikdən Salamnews-a verilən məlumatda bildirilir ki, görüşdə dini adət və ənənələr, dini təhsil və dini fəaliyyətin tənzimlənməsi, bu sahədə əməkdaşlıq və təcrübə mübadiləsi aparılması məsələləri müzakirə edilib. Hər iki ölkədə dini ekstremist cərəyanların yaranması ehtimalı və bu kimi neqativ halların qarşısının alınması istiqamətində də fikir mübadiləsi aparılıb.

S.Davlatov Tacikistanda dini adət və ənənələri tənzimləmək üçün xüsusi qanun qəbul edildiyini və bu təcrübənin müsbət nəticə verdiyini söyləyib.

Tərəflər dini qurumların rəhbərlərinin, ilahiyyatçı alimlərin qarşılıqlı səfərlərinin təşkili, qarşılıqlı olaraq dini konfranslarda iştirak və digər məsələlərdən də bəhs ediblər.