Nigerdə 100-dən çox "Boko-Haram" tərəfdarı həbs edilib

Niger hökuməti ölkənin cənub-şərqində yerləşən Diffa vilayətində və bir neçə digər bölgədə “Boko Haram” radikal qruplaşması ilə əlaqəsi olmaqda şübhəli bilinən 160-dan çox insanı həbs edib.

 

Ahlibeyt.az-ın İnteraz-a istinadən verdiyi xəbərə görə,İtarTass agentliyinin məlumatında bildirilir ki,bu barədə Afrika ölkəsinin hüquq-mühafizə orqanlarınları  məlumat veriblər.

 

Məlumata əsasən, saxlanılanlar antiterror xidmət əməkdaşları tərəfindən dindirilir.

Bildirək ki, bu ay ərzində “Boko Haram” Diffada silsiləvi hücumlar təşkil edib. Bu səbəblə Niger hökuməti ölkənin bu hissəsində fövqəladə vəziyyət elan edib. Yerli təhlükəsizlik qüvvələri əlavə səlahiyyətlər, xüsusilə evlərdə gündüz və gecə vaxtı axtarış aparmaq hüququ alıb.

 

Ekspertlərin sözlərinə əsasən, “Boko Haram” terror qruplaşması Nigerdə fəallarının diversiya və terror aktları törətdiyi “yatmış” yuvalara malikdir.