Misir 21 vətəndaşının İŞİD tərəfindən edamına görə 7 günlük matəm elan edib-foto

Misir prezidenti Əbdül-Fəttah əs-Sisi xalqa müraciətində "İslam Dövləti" (İŞİD) terror təşkilatının üzvləri tərəfindən öldürülən ölkə vətəndaşlarının qisasının alınacağını, Təşkilata ağır zərbələrin vurulacağını, terrorçulara lazımi cavabın veriləcəyini vəd edib və Misirin buna haqqı çatdığını bildirib.

Ahlibeyt.az-ın Salamnews-a istinadən verdiyi xəbərə görə,"Al-Jazeera" agentliyinin məlumatında qeyd bildirilir ki, Misir hökuməti Liviyada 21 xristian ölkə vətəndaşının İŞİD üzvləri tərəfindən başlarının kəsilməyi ilə əlaqədar yeddi gün matəm elan edib. Liviya Parlamenti isə bununla əlaqədar olaraq, üç gün matəm elan edib.

Bildirək ki, BMT və Ağ ev 21 misirlinin İŞİD tərəfindən edamını pisləyib.

Xatırladaq ki, İŞİD ekstremistləri ötən həftə hələ keçən ilin dekabr ayında tutduqları 21 misirli xristianı Liviyada edam etdiklərini bildiriblər.