Səudiyyə həbsxanasında olan ruhaninin səhhəti pisləşib

Avqust ayında məsciddən evə qayıdarkən həbs olunmuş Səudiyyəli ruhani Hüccətül-İslam Şeyx Tofiq əl-Amirin ailə üzvləri bildiriblər ki, həbsxanada olan Şeyx Tofiqin səhhətində problemlər yaranmışdır.

Ailə üzvləri bildiriblər ki, "əl-Mələz" həbsxanasında saxlanılan Şeyx Tofiqə qarşı hələ də rəsmi olaraq heç bir ittiham sürülməyib.

Xatırladaq ki, dəfələrlə Ali Səud rejimi tərəfindən həbs olunan Şeyx Tofiq əl-Amir bundan qabaq fevral ayında Ali Səudu məzhəb ayrıseçkiliklərinə son qoymağa çağrışlarına görə həbs edilmişdi. Sonuncu həbsinə səbəb kimi isə Şeyxin azadlığa çıxandan sonra Stokholmda İsveç siyasətçilərinin və diplomatlarının da iştirak etdiyi bir konfransda Səudiyyə Ərəbistanında yaşayan şiələrin acınacaqlı vəziyyətləri barədə söhbət etməsi göstərilir.