Husi hərəkatı Yəməndə hakimiyyəti böhranını dayandırır

Yəməndə Husi hərəkatı ölkə parlamentini buraxdığını və iqtidarı ələ keçirdiyini açıqladı. Prezident administrasiyasından dövlət telekanalı ilə açıqlama verən hərəkat sözçüləri buraxılan parlamentin əvəzinə 551 üzvlük milli məclis qurulacağını açıqlayıb. Bundan başqa həmin məclisin, maksimum 2 il ölkəni idarə edəcək 5  nəfərlik müvəqqəti şuranı seçəcəyi bəyan olunub.

Ahlibeyt.az-ın beynəlxalq KİV-lərə istinadən verdiyi xəbərə görə, təsisi nəzərdə tutulmuş Milli Məclis ləğv edilmiş Parlamentin işini öhdəsinə götürəcək. Yenilənmiş Ali Təhlükəsizlik Komitəsi 16 üzvdən ibarət olacaq ki, onların səkkizi husilərin nümayəndələridir.

İnqilabçı Komitələrın (husilər) qərarına əsasən, Yəmənin istefaya getmiş hökumətinin müdafiə və daxili işlər nazirləri vəzifələrində qalacaqlar.

Qeyd edək ki, Yəmənin paytaxtı Sana şəhəri ötən ilin sentyabrından faktiki olaraq Ənsarullah Husi Hərəkatı (Husilər) tərafdarlarının  nəzarətindədir. Keçən ay isə Yəmən prezidenti Abdurabbu Mənsur Hadi üsyançıların təzyiqi ilkə tutduğu vəzifədən istefa vermişdi.

Bir müddət əvvəl Husi hərəkatı ölkədəki böhran vəziyyətini aradan qaldırmaq üçün siyasətçilərə çərşənbə gününə qədər vaxt vermişdilər.