Amerikalı nəzəriyyəçi: "Hər kəs Ayətullah Xameneinin gənclərə məktubunu oxumalıdır"

Ahlibeyt.a-ın islamazəri-yə istinadən verdiyi xəbərə görə,Mehr agentliyinin məlumatında bildirilir ki, məşhur amerikalı nəzəriyyəçi Stefan Lendman hər kəsin həqiqi İslamı tanımaq üçün İranın Ali Dini Lideri Ayətullah Xameneinin Avropalı gənclərə yazdığı məktubu oxumasının lazım olduğunu bildirib.

O qeyd edib ki:

"Hər kəs  Ayətullah Xameneinin 21 yanvar tarixli məktubunu oxumalı və həqiqi İslamı öyrənməyin yolları haqqında məlumata sahib olmalıdır. Məncə məlumatlı olmaq, həqiqətin əsl üzünü öyrənməklə başlayır. Daha əvvəl "Charlie Hebdo" olayı barədə bir neçə məqalə yazdım və bu hücumun qərbin qurduğu oyunun bir hissəsi olduğunu qeyd etdim. Qərb dünyası bu hücumdan öz mənfəəti üçün istifadə etmək niyyətindədir. Kuaşi qardaşları Amerikanın Türkiyə, İordaniya və Gürcüstanda təlim keçdiyi digər terror qruplaşmarı ilə birlikdə savaşmışdılar. İsrail və Netanyahu hökuməti də Amerikaya terrorçulara təlim keçmə işində kömək edib. Qərb dünyası islamafobiya yaradaraq cəmiyyətdə İslama qarşı nifrət yaratmaq fikrindədir. 11 Sentyabr hadisəsindən sonra da Amerikada yaşayan müsəlmanların bir çoxu həbs edildi . Daha sonra isə bütün baş verənlər yalan olduğu ortaya çıxdı" .

Amerika və Qərb ölkələrinin müəsəlman ölkələri qarşısında mövqeyini tənqid edən Lendman sözlərinə belə davam edib: 
"Amerika bütün müstəqil ölkələrə müdaxilə edir və bu ölkələrdə Qərbə dəstək verən gücləri öz tərəfinə çəkmək istəyir. Müsəlmanların qərb ölkələrini və Amerikanın İslama qarşı planlarına reaksiya göstərmələri normaldır. Bu reaksiyaların İslamla əlaqəsi yoxdur və sırf insani məsələdir. Amerikada bir qaradərili gəncin öldürülməsi və bütün qaradərili insanların küçələrə axışması kimi" .