Pakistanda şiələrin toplaşdığı məsciddə Peyğəmbər(s.ə.s)-in mövludu günü intihar hücumu törədilib

Cümə günü Pakistanın Ravilpindi şəhərində şiələrin məscidinə qarşı intihar hücumu azı yeddi nəfərin həlak olması və on beş nəfərin yaralanması ilə nəticələnib. Polisin bildirdiyinə görə, bir intiharçı kamikadze tərəfindən törədilmiş bu hücumun tələfatının artması ehtimalı var.

Ahlibeyt.az-ın verdiyi xəbərə görə, Franc-Presse agentliyinin məlumatında bildirilir ki, güclü partlayış şəhərin şiə azlığının İslam Peyğəmbəri(s.ə.s)-in mövludu gününü qeyd etmək üçün bu məscidə toplaşdığı zaman baş verib. Bu informasiya agentliyi məsciddən çoxlu sayda ölü və yaralının müalicə mərkəzlərinə köçürüldüyünü bildirərək, Pakistanın dövlət başçılarından olan Saced Zəfər Dal-a istinadla yazıb: Yeddi nəfərin ölümü və on beş nəfərin yaralanmasını təsdiqləyə bilərəm. Bu rəqəm arta bilər.