Ərəbistanlılara Suriyalı qızların alqı-satqısı icazəsi verilib

Ərəbistan Daxili İşlər Nazirliyinə aid üzə çıxarılan bir bir sənəd göstərir ki, bu nazirlik özünün Livandakı vətəndaşlarına cinsi istifadə üçün yetim Suriyalı qızları alıb-satmaq icazəsi verib.

Ahlibeyt.az-ın İran mediasına istinadən verdiyi xəbərə görə, Al-Aləm telekanalının məlumatında bildirilir ki,bu sənədə əsasən Səudiyyə Ərəbistanı Daxili İşlər Nazirliyi bu ölkə tərəfindən Suriyalılar üçün Livanda yaradılmış  Yetimlərin Himayə Mərkəzinə qanunla icazə verilmiş yaşdan aşağı olan Suriyalı qızları dövlət idarələrində qeydə alınmadan kəbin kəsdirilməsi icazəsi verib.

Bu sənədin ifşası və  Ərəbistanın Livandakı  Yetimləri Himayə Mərkəzinə icazənin verilməsi göstərir ki, kiçik yaşlı suriyalı qızları həm alan, həm də satan şəxslər əslində ərəbistanlıdırlar.

Kəbinə salınmalı olan suriyalı qız uşaqları hər bir nəfər qarşılığında 500 dollar qiymətinə alınırlar.

Əldə edilən məlumatlara görə, bu kəbinlərin əksər hissəsi bir aydan çox müddət sürmür və yalnız müvəqqəti cinsi istifadə üçündür.

Ərəbistanda çıxan Əl-Mərsəd qəzeti təqribən bir ay bundan öncə Ərəbistanla İordaniyadakı Suriyalı qaçqınlar düşərgəsi arasında bu kimi gizli kəbinlər bazarının vüsət tapmasından xəbər vermişdi.