Seyyid Əhməd Safi-Şəhərləri Ərbəin üçün təmamən tərk etməyin,İŞİD pusqudadır

Ayətullah Sistaninin vəkili və Kərbəlanın imam cüməsi Seyyid Əhməd Safi qarşıdan gələn ərbəin mərasimi ilə bağlı  çıxış etmişdir.O bildirmişdir  ki,biz İmam Hüseyn(ə)nin  Ərbəin ziyarətinin nə qədər dəyərli olduğunu,bu ziyarətin dünya və axirətdəki savab və bərəkətlərinin olduqca üstün olduğunu anlayırıq.Bu səbəbdən hər kəs böyük bir şövqlə bu ziyarəti yerinə yetirməyə can atır.Ancaq ölkəmizdə bu il İŞİD terror qruplaşması kimi bir bəla var.Mən xüsisən İŞİD təhdidi ilə qarşı-qarşıya olan şəhər xalqlarına çağırış edərəm -Şəhərlərinizi Ərbəin ziyarəti üçün təmamən boşaltmayın.

Kərbəlanın imam cüməsi Seyyid Əhməd Safi İraqın müxtəlif bölgələrində təhlükəsizlik qüvvələrinin terroristlərə qarşı böyük uğurlar əldə etdiyinə diqqət çəkərək çıxışınının davamında bildirmişdir ki,nailiyyətlərimiz bizi aldatmamalıdır və sayıqlığımızı əldən vərməməliyik.Ölkəmizi terror bəlasından təmamən təmizləmədən rahatlıq əldə etməyəcyik.

Çıxış zamanı o  xüsusən İŞİD-ın təhdidi altında olan bölgə xalqlarına səslənirək buyurmuşdur - Ərbəin ziyarətinin fəziləti inkaredilməzdir bu ziyarətin savablarını hamımız anlayırıq,amma şəhərlərinizi təmamən boşaltmayın və bir qrup insan şəhəri qorumaq üçün mütləq orada qalmalıdır.Çünki düşmən pusqudadır.