Livanın paytaxtı Beyrutda “Mübarizə hərəkatını dəstəkləyən islam alimlərinin toplantısı”na qatılan alimlər və ictimai-siyasi xadimlər islam alimi şeyx Baqir Nimr ən-Nimrlə bağlı verilən edam hökmünü pisləyiblər.

Ahlibeyt.az-ın verdiyi xəbərə görə bu barədə Salamnews agentliyi IRNA-ya  istinadən məlumat vermişdir.Məlumatda bildirilir ki, toplantı iştirakçıları Səudiyyə Ərəbistanı məhkəməsinin bu hökmünün arxasında siyasi səbəblərin olduğunu, bu qərarın beynəlxalq hüquq və normalara sığmadığını və onun siyasi cinayət olduğunu bildiriblər, həmçinin bu addımın islam fiqhinə əsla uyğun gəlmədiyini qeyd ediblər.

Şeyx Nimrin həbsindən sonra Səudiyyə ərəbistanının bəzi bölgələrində, xüsusilə şərqdəki Qətif şəhərində etirazlar baş qaldırıb. Bu aksiyalarda 16 iştirakçı və bir polis ölüb.

Bildirək ki, Səudiyyə Ərəbistanı şeyx Nimri hakim ailəni təhqir etmək, polisə müqavimət göstərmək, ölkədə vətəndaşlar arasında iğtişaş yaratmaq və sair məsələlərdə təqsirləndirir.