Mərhum Ayətullahul-Üzma Şeyx Cavad Təbrizi Əhli-Beyt(ə) üçün axıtdığı göz yaşlarını sildiyi qara dəsmalını həmişə rövzə məclislərində hazır edərdi. Çox nadir hallarda o dəsmalı unudardı ki, o da o zaman olardı ki, qabaqcadan xəbəri olmazdı ki, iştirak edəcəyi məclisdə rövzə oxunacaq. Amma iştirak edəcəyi məclisdə rövzə oxunacağını bildiyi zaman həmin dəsmalı heç zaman unutmazdı.

Mərhum Şeyx Cavad Təbrizinin göz yaşlarını sildiyi qara dəsmaldan əlavə bir ağ dəsmalı da olub ki, onunla rövzə məclislərində mübarək ağzını və burnunu silərdi. Özü buyurardı ki, mən bu dəsmalları özümlə qəbrə qoyulmasını vəsiyyət edirəm ki, qəbrdə və Qiyamət günündə məni əzabdan qorusunlar. Onun övladları onun bu vəsiyyətinə əməl edərək həmin dəsmallardan birini onun mübarək əlinə, digərini isə onun sinəsinin üzərinə qoyurlar.

tabrizi.org