İŞİD Kəbəni dağıdacağını bildirir

İraq və Şam İslam Dövləti (IŞİD) Kəbəni dağıdacağı ilə bağlı qərar qəbul edib.

Bu barədə İŞİD nümayəndəsi Əbu Turab əl-Müqəddəsi öz Twitter hesabında yazıb

Ahlibeyt.az-ın AnsPress-ə istinadən verdiyi xəbərə görə, terror təşkilatı üzvlərindən biri Səudiyyə Ərəbistanını fəth edəcəkləri təqdirdə Kəbəni yerlə-yeksan edəcəklərini açıqlayıb. Bu barədə öz Twitter hesabında yazan təşkilat nümayəndələrindən biri Əbu Turab əl-Müqəddəsi qeyd edib ki, IŞİD əl-Anbar şəhərinin çöllərindən keçərək Səudiyyə Ərəbistanının Arur şəhərini idarələri altına alacaqlar. Təşkilat bundan sonra Allahın evini məhv edəcək:

"Allahın izni ilə şeyximiz əl-Bağdadi başçılığı ilə Məkkə daşlarına ibadət edənləri öldürəcəyik. Allahın əvəzinə ibadət edilən Kəbəni də dağıdacağıq. İnsanlar Allah üçün deyil, daşlara toxunmaq üçün Məkkəyə gedirlər. Allaha and olsun əgər Səudiyyə Ərəbistanını fəth etsək Allahdan başqasına ibadət edildiyi üçün Kəbəni dağıdacağıq".

Qeyd edək ki, "əl-Cəzirə" telekanalının məlumatına görə İŞİd-in təmsilçisi Əbu Məhəmməd əl-Ədnani təşkilatın nəzarətində olan bölgələrdə yeni İslam xilafətinin təsisini və Abdullah İbrahim əs-Samirrainin (Əbu-Bəkr əl-Bəğdadi) müsəlmanların xəlifəsi təyin olunduğunu bəyan edib.

Bəyanatda, həmçinin bildirilir ki, onlar yeni “dövlət”lərinin adını dəyişərək onu “İslam Dövləti” adlandırıblar.