Ayətullah Sistaninin nəsihət və məsləhətlərinə ehtiyacımız var

İraq parlamentinin spikeri Üsamə əl-Nüceyfi tezliklə Ayətullah Sistani ilə görüşəcəyinə ümid edərək deyib ki, indiki şəraitdə bizim Ayətullah Sistaninin nəsihət və məsləhətlərinə böyük ehtiyacımız var. Və bu görüş İraqı cari böhrandan çıxartmaq üçün xüsusi əhəmiyyətə malikdir.

əl-Nüceyfi deyib ki, hələlik onunla görüşmək üçün səylərimiz heç bir nəticə vermir. Amma ümid edirik ki, o bizi qəbul edəcəkdir.

Xatırladaq ki, İraqın dörd böyük mərcei-təqlidləri bir aydan artıqdır ki, vəzifəli şəxsləri qəbul etməmək qərarına gəliblər. Onlar bu addımı vəzifəli şəxslərin xalqın problemlərini həll etmədikləri üçün atıblar. Mərcei-təqlidlər bildiriblər ki, vəzifəli şəxslər verdikləri vədələri yerinə yetirməyə başladıqları zaman onları qəbul edəcəklər. Hələlik isə mərcei-təqlidlərin qapısı yalnız sadə vətəndaşların üzünə açıqdır.