Misirdə Müsəlman Qardaşlarının hakimiyyətdən uzaqlaşdırılması ziyarətçilərin yolunu açdı

150 iraqlı şiə Misirin məscidlərini, müqəddəs məkanlarını və “Rə`sül- Hüseyn(ə)” məscidi kimi tarixi ziyarətgahlarını görmək üçün Misirə daxil olublar.

Ahlibeyt.az-ın Shabestan-a istinadən verdiyi xəbərə görə  ötən gün 150 iraqlı Misirə daxil olub. Onlar Misirin müqəddəs məkanlarını ziyarət edəcəklər.

İraq şiələri Misirdə Əhli–Beyt(ə) ziyarətgahlarında olacaq, şiələrin müqəddəs saydıqları yerləri ziyarət edəcəklər.

Misrdə şiə məzhəbinə xidmət edən Fatimilərin hakimiyyət zamanında ucaldılmış onlarla tarixi müqəddəs yerlər vardır.

Bunlardan biri də hicri- qəməri 549 – cu ildə Fatimilərin xilafərti zamanı tikilən “İmam Hüseyn(ə)“ məscididir. Qahirənin qədim hissəsində yerləşən bu məscdin yaxınlığında “Əl- Əzhər” dini hövzəsi yerləşir. Bura ziyarərtçilərin daha çox axışdığı yerlərdəndir.

Qeyd edək ki,xalq kütlələrinin etirazları ilə hərbçilər tərəfindən hakimiyyətdən uzaqlaşdırılan "İxvanul-Müslümin"(Müsəlman Qardaşları)hərəkatının ölkədəki təkfirçi qrupları dəstəkləməsi nəticəsində Misirdəki ziyarətgahlar təzyiq altına salınmışdı həmçinin bu ölkəyə ziyarətçilərin girişinə müəyyən qadağa və məhdudiyyətlər qoyulmuşdu.