İslam Əməkdaşlıq Təşkilatı Azərbaycanın Dağlıq Qarabağ bölgəsində keçirilmiş “bələdiyyə seçkiləri”ni pisləyib

“İslam Əməkdaşlıq Təşkilatı sentyabrın 18-də Azərbaycanın Dağlıq Qarabağ regionunda qondarma yerli idarəetmə orqanlarına seçkiləri tanımır”

Bu bəyanatla təşkilatın baş katibi Ekmaləddin İhsanoğlu çıxış edib.

İslam Əməkdaşlıq Təşkilatının Azərbaycanın suverenliyi və ərazi bütövlüyünü müdafiə etdiyini deyən baş katib bildirib ki, qeyd olunan seçkilər beynəlxalq hüququn müvafiq norma və prinsiplərini pozur, buna görə də hüquqi qüvvəyə malik deyil.

O, həmçinin təmsil etdiyi təşkilatın Dağlıq Qarabağ münaqişəsinin sülh yolu ilə, müvafiq beynəlxalq hüquq normaları əsasında həllinə dair Azərbaycanın səylərinə daimi dəstəyi davam etdirəcəyini bildirib.

apa.az