Səlahəddin Özgündüz Qarabağdan danışdı: "Qarabağ bizimdir..."

"Əgər rəqibimiz bir ovuc ermənidirsə, təkcə Türkiyədə yaşayan azəri əsillilər torpaqlarımızı işğaldan azad etməyə bəs edər"

 

“Zeynebiye.com” saytına istinadən verdiyi məlumata görə,Türkiyənin tanınmiş din alimi v ictimai xadimi   Şeyx Səlahəddin Özgündüz Halkalı Zeynəbiyyə məscidində cümə namazının ikinci xütbəsində  Qarabağ və qondarma erməni soyqırımından danışıb:

 

"ABŞ Senatının  Xarici Əlaqələr Komitəsi qondarma "erməni soyqırımı" haqda qətnamə qəbul edib. İllərdir bu iddianı Demokl qılıncı kimi başımızın üstündə saxlayırlar. Hər il 24 aprel tarixindən əvvəl "təmcid plovu" kimi qızdırıb qarşımıza qoyurlar, bunu bizi ABŞ-a qulluq etməyimiz üçün vasitə kimi istifadə edirlər."

 

Səlahəddin Özgündüz tarixi faktlar gətirərək ABŞ-ı tənqid edib. Daha sonra isə işğal olunmuş Qarabağ barədə danışıb:

 

"Biz əvvəldən bəri deyirik ki, Qarabağ əsla erməniyə verilməməlidir. Qarabağ erməniyə məzar belə ola bilməz, cənazələrini hara basdırırlarsa basdırsınlar. Qarabağ bizimdir və bizim olaraq qalacaq.

 

Bu problemin həlli üçün asan olmayan görüləsi işlər var. Əgər rəqibimiz bir ovuc ermənidirsə, təkcə Türkiyədə yaşayan azəri əsillilər torpaqlarımızı işğaldan azad etməyə bəs edər. Hətta Ermənistanı da alarıq, hər birimiz aslan kimiyik. Lakin dövlətimiz var və lazım olanı edir.

 

Biz sülh tərəfdarıyıq, amma sülhlə alınmasa da, döyüşməli olsaq da, vətənimizi erməniyə vermərik. Rus dostlarımız da ağıllarını başlarına toplayıb sülhə dəstək olmalıdırlar. Rusiya ilə məsələnin həlli daha doğrudur, yoxsa iki milyon ac erməni iki yüz milyon türkin arasında xoşbəxt ola bilməz."