Hacı Allahşükür Paşazadə radikal dini cərəyanlardan danışdı

Bütün Qafqazın Şeyxi Hacı Allahşükür Paşazadə Qaraçay-Çərkəz bölgəsinə səfər edib. Səfər zamanı Qafqazın şeyxi Şimali Qafqaz xalqları Koordinasiya Şürasının sədri və Qaraçay-Çərkəz müftisi İsmayıl Berdiyevin 60 illik yubileyi münasibətilə təşkil olunan “Ruhanilik-Rusiyanın birliyini möhkəmləndirilməsində və millətlərarası mehribançılıqda mühüm faktor kimi” adlı konfransda iştirak edib.

Konfransda çıxış edən bütün Qafqazın Şeyxi Qafqazda baş verən hadisələrdən danışarkən radikal cərəyanlar mövzusuna da toxunub və radikalizmə qarşı mübarizı aparmaq üçün müftiləri birgə işləməyə çağırıb. Regionda sülh və əmin-amanlığın qorunması üçün onları mötədil islama çağıran bütün Qafqazın Şeyxi bu yolda bütün səyləri əsirgəməməyin vacib olduğunu vurğulayıb.