Pakistan müsəlmanları kilsələri qorudular

Pakitstan müsəlmanları ölkədəki xristian kilsələrini terror aktlarından qorumaq məqsədiylə canlı sədd quraraq qorumağa qərarlaşdırıblar.

Pişəvarda yerləşən Müqəddəs Antoni kilsəsində ötən il sentyabr hadisələrində həlak olmuş şəxslərin anım mərasimi zamanı onlarla müsəlman, ictimai xadim, siyasətçi və incəsənət nümayəndələri kilsəni mühasirəyə alıb canlı sədd qurublar. Müsəlman fəallar bundan sonra kilsələri cinayətkarlardan qoruyacaqlarını və xristianlarla həmrəy olduqlarını bəyan ediblər.

Xatırladaq ki, keçən ilin sentyabr ayında Pişəvar kilsəsində terrorçunun özünü partlatması nəticəsində 80 nəfər xristian həlak olmuş, 130 nəfər yaralanmışdır. Bu terror aktının təşkilatçılığını terrorçu sələfi taliban hərəkatı öz üzərinə götürmüşdür.