Bayram xütbəsində Ayatullah Xamenei İslam dünyasındakı hadisələrdən danışdı

Ötən gün paytaxt Tehranda İslam İnqilabının Rəhbəri Həzrət Ayətullah Xameneinin imamətliyi ilə mübarək Fitr bayramının namazı qılınıb.

Bayram namazının xütbəsində Rəhbər Ayatullah Xamenei dünyadakı bütün müsəlmanları bu mübarək bayram münasibətilə təbrik edərək bildirib ki, "Ümidvaram ki, Allah-Taala bütün müsəlmanlara Ramazan ayında çalışıb çətinliklə əldə etdiyi nailiyyətləri qoruyub saxlamaq üçün mənəvi güc əta edəcək”.

Daha sonra xütbəsində  Rəhbər Ayatullah Xamenei Islam dünyasında baş verən hadisələr haqqında fikirlərini söyləyib. İranda gedən prosesləri Şimali Afrika və Qərbi Asiyada baş verən hadisələrlə, bir növ, müqayisə edən Həzrət Ayətullah Xamenei dedi: “Təəssüflər olsun ki, İranda gedən sevindirici proseslərin əksinə olaraq, İslam regionunda baş verən olaylar narahatlıq doğurur. Müasir dünyanın fəlakətlərindən biri də insan haqları və demokratiya tərəfdarı olduqlarını iddia edən yalançıların qəsbkar İsrail rejiminin açıq-aşkar cinayətlərini himayə etmələridir”.

Xütbəsində Misirdə baş verən hadisələrədə toxunan Ayatullah Xamenei, Misirdə vətəndaş müharibəsinin başlama ehtimalının qüvvət qazandığını bunun böyük bir faciə olacağını qeyd etdi.

Suriyadakı müharibədən danışınan Ayatullah Xamenei, müsəlman ümmətinin Qərbə və İsrail rejiminə qulluq edən terrorçuların  İslam dünyasının müxtəlif bölgələrində varlığından doğan təhlükəli nəticələri bilmələri və ibrət götürmələri lazım olduğunu vurğuladı.

İraqda xalqın tərəfində olan bir hökumətin iş başında olduğunu ifadə edən Ayetullah Xamanei, ancaq super güclər və bölgədəki irtica rejimlərin Bağdad rəhbərliyindən narahat olduğunu, İraqda yaşanan terror hadisələri də bu zümrənin siyasi və maliyyə dəstəkləri ilə reallaşdığını ifadə etdi.