Tehranda keçirilən Dünya Əhli-Beyt(ə) Cəmiyyətinin V qurultayında iştirak edən Sierra Leonedən olan Hüccətül-İslam Şeyx Harun Bari bildirib ki, şiələr Sierra Leonedə geniş imkanlara malikdirlər. Şiələrin çoxlu məscid və hüseyniyyələri var və Əhli-Beyt(ə) məktəbinin təbliğ edilməsində heç bir yasaq yoxdur.

Şeyx Harun deyib ki, İran İslam İnqilabından əvvəl Əhli-Beyt(ə) məktəbi Sierra Leonedə yaxşı tanınmamışdı və davamçıları çox az idi. Amma İmam Xomeyninin(r) etdiyi inqilabdan sonra Əhli-Beyt(ə)məktəbi tanınmağa başlandı. Hal-hazırda da 6 milyonluq Sierra Leonedə 1 milyon şiə yaşayır.

Şeyx Harun Bari özü də İran İslam İnqilabından əvvəl sünni məzhəbində olduğunu və Misirdə təhsil aldığını bildirib. O deyib ki, orada Əhli-Beyt(ə) məktəbi barədə məlumatım yetərincə olmadığı üçün əlimə düşən şiə kitablarını cırıb atırdım. Amma İnqilabdan sonra Əhli-Beyt(ə) məktəbi ilə tanış oldum və təhsilimi Qumda davam etdirdim.