Rusiya Ali Məhkəməsi Stavropol məktəblərində hicabı qadağan etdi

Rusiya Ali Məhkəməsi Stravropol əyalətinin yerli məhkəməsinin məktəblərdə hicabı qadağan edən qərarını qüvvədə saxlayıb.

Məhkəmə iclasından sonra iddiaçıların vəkili Murad Musayev qərarın siyasi  və müsəlmanların dini hüquqlarını sıxışdırılması məqsədini daşıdığını bildirdi. Stavropolda yaşayan ailələr adından məhkəməyə müraciət edən vəkil Murad Musayev qərardan  apelyasiya şikayəti verəcəklərini bildirib.

Xatırladaq ki,  Sentyabr ayında Rusiyanın Stavropol əyalətində vahid məktəbli geyiminə uyğun olmadığı üçün məktəblərdə hicabla gəlməyi qadağan etmişdilər. Sözügedən məktəblərin geyim kodeksində, istənilən dini simvolları daşıyan geyimlə, o cümlədən həddən artıq açıq-saçıq geyimlər və 7 santimetrdən hündür dikdaban ayaqqabı da qadağan olunub.

Stavropol vilayətindən bildirmişdilər ki, bu kodeks hansısa dinə qarşı yönəlməyib, sadəcə Rusiyada təhsilin mühafizəkar əsaslarını qorumaq üçündür.