Futbolçu müsəlman-əlilə oruc tutmaq üçün köməklik etdi

Britaniya KİV-lərinin verdiyi məlumata görə, əslən Malidən olan məşhur futbolçu Frederik Kanute Britaniyada yaşayan əlil müsəlman İmran Adəmin oruc tutması üçün maddi yardım göstərib. Futbolçu müsəlman qardaşının əlavə qulluğu üçün bir min funt sterling göndərib.

İmran Adəm beyin iflicindən əziyyət çəkməsinə baxmayaraq, on ildən çoxdur ki, Müqəddəs Ramazan ayının vacib əməlinə riayət edir. Futbolçu Kanute sosial şəbəkələr vasitəsiylə əlil arabasıyla müstəqil şəkildə özünə qulluq edə bilməyən müsəlman İmranın problemlərinin həlli üçün maddi yardım göstərəcəyini bildirib. Öz növbəsində İmran Adəm, xəbəri eşidib sevinərək Ramazan ayında oruc tutmağa çox həvəsləndiyini bildirdi.