Belçikada niqablı müsəlman xanımlarının həbsi çoxalıb

Belçika Ədliyyə Naziri Annemi Turtelbum hesabatla çıxış edib. Hesabatda bildirilir ki , 2011 ci il ərzində ölkə ərazisində 35, 2012 ci il ərzində 50 müsəlman xanım niqab geyindiyinə görə həbs olunub.  Nazir qeyd edib ki , "Müsəlman xanımların ölkə qanunlarına qarşı etinasızlığı Belçika hakimiyyətini narahat edir. Əgər vəziyyət belə davam etsə qanuna daha ciddi dəyişikliklər olunacaq."

Qeyd edək ki , Belçikada qəbul olunan qərara əsasən ölkə ərazisində ictimai yerlərdə niqab geyinmək qadağandır. Bu qanunu pozan vətəndaşa 150 avro cərimə və həbs gözləyir. 2011 ci ildə qəbul olunan qanuna qarşı çıxan müsəlmanlar hakimiyyəti Strasburqda İnsan haqları məhkəməsinə şikayət ərizəsi veriblər.