Italyada İslam dinini qəbul edənlərin sayı artır

İtalyanın Lettera-43 adlı nəşri ölkədə yerli sakinlər arasında İslamın yayılması haqqında məqalə dərc edib.  Məqalənin müəllifi Barbara Çiolli İtalyada İslam İcmaları Təşkilatının (UCOİİ) məlumatına istinad edərək bildirir ki , bu günlərdə İslam dinini yeni qəbul etmiş italyanların sayı 70 min nəfərdir.  Müəllifin araşdırmasına görə İslamı qəbul edəndən sonra italyanlardan bəziləri İslama xidmət etmək üçün ölkədən kənara çıxırlar və onlardan əksəriyyəti uğurla fəaliyyət göstərillər.

Məqalədə bildirilir ki , İslamı qəbul etmiş şəxslərin bəziləri keçmişdə ateist , bəziləri mənəvi rahatlıq axtaranlar bəziləri isə kilsədən məyus olanlardır.

Daha sonra məqalədə qeyd olunub ki , 2011-ci ilin statistikasına görə İtalyada 1.5 milyon müsəlman yaşayır, 550-600 məscid mövcuddur. Hesablamalara görə İtalyada 2050 ci ildə altı yüz imamın başcılığı ilə 2.6 milyondan çox müsəlman yaşayacaq.