Roma Papası Fransisk : BMT yeni reallıqlara cavab vermir

Müharibə dövründə təsdiq etmək vacibdir ki, bizə daha çox çoxtərəflilik lazımdır, lakin BMT artıq yeni reallıqlara cavab vermir.

Ahlibeyt.az Anadolu agentliyinə istinadən xəbər verir ki, bu barədə Papa Fransiskin yeni  “Tanrı xatirinə sizdən xahiş edirəm. Gələcəyə ümid üçün on dua" kitabında deyilir.

Roma Katolik Kilsəsinin rəhbərinin sözlərinə görə, Rusiyanın Ukraynaya təcavüzü BMT Təhlükəsizlik Şurasının münaqişələrin həlli üçün daha çevik və effektiv yollar tapmasının zəruriliyini nümayiş etdirdi.

Pontifik xatırladıb ki, təşkilat iki dünya müharibəsinin dəhşətlərinin təkrarlanmasının qarşısını almaq üçün yaradılıb.

"Həmin müharibələrin gətirdiyi təhlükələr hələ də davam etsə də, indiki dünya artıq tamam başqadır", deyə Papa vurğulayıb.