Bu ilin iyulun 1-nə olan məlumatına görə, Azərbaycanın milli domen zonasında (".az") 39 626 internet resursu qeydə alınıb.

Ahlibeyt.az xəbər verir ki, APA-Economics"in "WHOIS" portalının hesabatı əsasında apardığı hesablamalara görə, bu ötən ilin müvafiq dövrünün göstəricisi ilə müqayisədə 7,2% çoxdur.

Qeydə alınan saytların ümumi sayının 37 019-u birinci səviyyəli domen zonasına aiddir ki, bu da bir il öncəki göstəricini 7,1% üstələyir.

Ən məşhur ikinci səviyyəli domen ".com.az"dır. Bu domendə qeydiyyat sayı illik ifadədə 3,9% artaraq 1408 sayt təşkil edib.

Populyarlığına görə üçüncü yerdə ".edu.az" domeni qərarlaşıb. Bu domendə iyulun 1-nə olan məlumata görə 552 sayt qeydiyyatdan keçib ki, bu da ötən ilin göstəricisindən 15% çoxdur.

Digər domen zonalarında qeydiyyatdan keçən saytların pay bölgüsü:

Qeyd edək ki, ".az" milli domen zonası rəsmi olaraq 25 avqust 1993-cü ildə fəaliyyətə başlayıb. Bu domenin qeydiyyat haqqı və illik texniki dəstək xərci 20 manat təşkil edir.