Tunis dələfilərə qarşı mübarizəni ciddiləşdirəcək

Bu şənbə-bazar yayılan məlumata əsasən, Tunisin Sidi-Buzid şəhərində sələfilər barlara, şərab dükanına və spirtli içki daşıyan maşına hücum ediblər. Öz mallarını qorumaq istəyən sahibkarlarla sələfilər arasında dava düşüb. Davada daş və ov tüvənglərindən istifadə olunub. Məlumatı “Əl-Cəzirə” yayıb. Tunisin dliyyə naziri Nuriddin Büheyri bildirib ki, heç kəs qanun pozmaq hüququna malik deyil. Ölkə qanunlarına əsasən, spirtli içkilərin satışı yasaqlanmayıb, lakin son illər baş verən dini oyanış fonunda tunislilər bu günhadan çəkinir. Spirtli içkilərə tələbat azaldığından bir çox bar və s. meyxanalar bağlanır.

Nazir bildirib ki, sələfilərin özbaşınalığına son qoyulacaq: “Mən bütün hədləri aşan və dpvlətin onlardan qorxduğunu zənn edən sələfilərə deyirəm: özbaşınalıq bitdi! Biz dövlət içində dövlət qurmağa imkan verməyəcəyik!”

Xatrıladaq ki, nazir Büheyri “Nəhdə” islamçı hərəkatının üzvüdür. Həmin hərəkat hazırda hakim koalisiyaya rəhbərlik edir. “Nəhdə”nin digər üzvü, 13 il islamçılığa görə həbsdə olan, hazırda isə Tunisin daxili işlər naziri Əli Ərid də sələfilərə qarşı zor tətbiq ediləcəyini istisna etməyib.

Tunisin tanınmış din xadimi Fərid Bəci də sələfilərin hərəkətlərini tənqid edərək onları “tərs” adlandırıb. Onun sözlərinə görə, Tunis vəhşi heyvanlarla dolu meşəyə oxşamamalıdır.