Moskvada Azərbaycan, Rusiya və Ermənistan dini liderləri görüşəcək

Moskvada Azərbaycan, Rusiya və Ermənistan dini liderlərinin görüşü keçiriləcək.

Ahlibeyt.az-ın Virtualaz-a istinadən məlumatına görə, görüşdə Qafqaz Müsəlmanları İdarəsinin sədri Şeyxülislam Allahşükür Paşazadə, Moskva və bütün Rusiya Patriarxı Kirill və ermənilərin katolikosu II Qaregin iştirak edəcək. Görüş Rusiya tərəfinin təşəbbüsü ilə baş tutacaq. A.Paşazadə bu gün artıq Rusiyaya gedib.

Xatırladaq ki, Azərbaycan, Rusiya və Ermənistan dini liderlərinin sonuncu görüşü 2017-ci il sentyabrın 8-də Moskvada keçirilib. Görüş Müqəddəs Daniil monastırında baş tutub