Bütün ABŞ qüvvələri çıxdı və ölkə tam istiqlaliyyətinə qovuşdu - Taliban

Taliban sonuncu ABŞ hərbçisinin də ölkəni tərk etdiyini və Əfqanıstanın tam istiqlaliyyətinə qovuşduğunu bildirib.

Ahlibeyt.az SalamNews-a istinadən xəbər verir ki, bunu Talibanın sözçülərindən biri Məhəmməd Nəim Sputnik-ə deyib.

O bildirib ki, ABŞ-ın son hərbçisi də ölkəni tərk edib və ölkənin 20 illik işğalına son qoyulub.

M.Nəimin sözlərinə görə Əfqanıstan tam istiqlaliyyətinə qovuşub.

ABŞ son hərbçisinin Kabil hava limanını tərk etdiyini bildirib.

ABŞ Ordusunun Mərkəzi Komandanlığının rəhbəri general Kennet Makkenzi keçirilən mətbuat konfransında bildirilib ki, ABŞ sonuncu hərbçisini də Əfqanıstandan çıxarıb.

Əlavə edilib ki, ABŞ səfiri də sonuncu təyyarələrin biri ilə Əfqanıstanı tərk edib.

Məlumata görə ABŞ hərbi qüvvələri çıxmamışdan öncə hava limanında nəzarətlərində olan zirehli hərbi texnikaları və havadan müdafiə sistemlərini sıradan çıxarıblar.