Əfqanıstanın paytaxtı Kabilin qərbində qızlar məktəbinin qarşıdısında törədilən partlayışlarda ölənlərin sayı 50-i keçib.

Ahlibeyt.az RİaNovosti agentliyinə istinadla xəbər verir ki, partlayış Əfqənistan paytaxtında yerləşən dövlət məktəbi qarşısında törədilib.

Bildirilib ki, Dəşt-Pərçi rayonunda qızların məktəbi qarşısında törədilmiş partlayışda ölən şagird və müəllimələrin sayı 50-i keçib.Terror aktı nəticəsində 150-dən çox yaralının olduğu bildirilir.

Məlumata görə, məktəb qarşısında minalanmış avtomobil partladılıb, daha sonra əraziyə iki raket atılıb. Hücumda ölənlərin çoxu yeniyetmə qızlar.Ölən və yaralananlar arasında müəllimlərin də olduğu açıqlanıb.

Bu hücumu hələlik heç bir qrup üzərinə götürməyib. Taliban bu hücumda məsuliyyət daşımadığını bildirib.

Qeyd edək ki, terror aktının Kabilin əsasən şiələrin məskunlaşdığı bölgədə baş verdiyi və hücuma məruz qalan məktəbin şiələrə məxsus olduğu bildirilir.

">