Ayətullah Gülpayəqani Səudiyyədə müsəlman memarlıq abidələrinin dağıdılmasını pislədi

Ayətullahul-üzma Şeyx Lütfullah Safi Gülpayəqani Səudiyyə Ərəbistanını müsəlmanların tarixi-mədəni abidələrini dağıtmaqda ittiham edib.

Müsəlman mütəfəkkiri Əbdül-Cəlil Qəzvininin xartirəsinə həsr edilmiş konfrans iştirakçıları ilə görüşündə mərcəə bildirib ki, buna qarşı etiraz məzhəb məsələsi deyil. Onun sözlərinə görə, dağıdılan abidələr dini əhəmiyyətlə yanaşı, bütün müsəlmanlar üçün tarixi və mədəni önəm də kəsb edir. Məsələn, Peyğəmbər (s) və Əhli-Beyt (ə) hərəmlərinin, onlara bağlı abidələrin talan edilməsi bütün müsəlmanların tarixinə xəyanətdir.