إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Suriya Ordusu səkkiz ildən sonra Təfas şəhərini tam nəzarətə götürüb

Suriya Ordusu ölkənin cənubunda Dəra əyalətinin Təfas şəhərinə daxil olub.

Ahlibeyt.az-ın məlumatına görə, Salamnews SANA-a istinadla xəbər verir ki, tərəflər arasında anlaşmadan sonra Suriya Ordusu və Rusiya hərbi polisi ötən gün Dəra əyalətinin Təfas şəhəriə daxil olaraq, şəhərdə qalan bir sıra qruplaşma üzvlərini silahlardan təcrid etməyə başlayıblar.

Səkkiz il sonra bu şəhərdə dövlət və hökumət müəssisələrinin işinə başlaması üçün tədbirlərə start verilib.

Qeyd edək ki, başda “ən-Nusra Cəbhəsi” (Əl-Qaidənin Suriya qanadı) olmaqla radikal qruplaşmalar bu şəhəri 2013-cü ildə zəbt etmişdilər.

2018-ci ilin əvvəlində bölgə ordunun nəzarətində keçəndə, şəhərdəki radikal qruplaşmalar ağır silahlarını təhvil verib, şəhəri İdlib istiqamətində tərk etmişdilər. Anlaşmaya əsasən şəhərdə qalmaq istəyən silahlılar Təfasda yaşaya bilərdilər. Lakin bir müddət sonra şəhərdə qalan radikal qruplaşma üzvləri yenidən anlaşmanı pozaraq, silaha əl atmışdılar.



Saytın materiallarından istifadə edərkən istinad vacibdir!
12 Fevral, 2021  10:00 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!