İşğaldan azad olunan Xocalı və Xocəvənd rayonları ərazisindəki iki kəndin adı dəyişdiriləcək

Milli Məclisin sabah keçiriləcək iclasının gündəliyinə işğaldan azad olunan Xocalı və Xocəvənd rayonları ərazisindəki iki kəndin adının dəyişdirilməsi ilə bağlı qanun layihəsi daxil edilib.

Ahlibeyt.az-ın Milli Məclisin saytına istinadən məlumatına görə, iclasın gündəliyinə Xocalı rayonunun Quşçubaba kəndinin və Xocavənd rayonunun Tsakuri kəndinin adının dəyişdirilməsi ilə bağlı qanun layihəsi daxil edilib:

- “Azərbaycan Respublikasının Xocalı rayonunun Quşçubaba kəndinin Baharlı kəndi adlandırılması haqqında” Azərbaycan Respublikası qanununun layihəsi barədə.

- “Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında” Azərbaycan Respublikası qanununun layihəsi barədə.

Məlumata görə, sabah keçiriləcək iclasın gündəliyinə ümumilikdə 11 məsələ daxil edilib.