إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

İƏT Gənclər Forumunun Avrasiya üzrə Regional Mərkəzi Azərbaycanla həmrəydir

İƏGF-nin (İslam Əməkdaşlığı Gənclər Forumunun) Avrasiya üzrə Regional Mərkəzi Azərbaycan xalqı və hökuməti ilə tam həmrəy olduğunu ifadə edib.

Ahlibeyt.az-ın İslam.az-a istinadən məlumatına görə, İslam Əməkdaşlığı Gənclər Forumunun Avrasiya üzrə Regional Mərkəzinin Pakistan, Rumıniya, Qazaxstan, Tatarstan (RF) və Azərbaycanın təmsil olunduğu beynəlxalq idarə heyəti Mərkəzin əhatə etdiyi 10-dan artıq ölkənin gəncləri adından verdiyi bəyanatda sentyabrın 27-sindən başlayaraq, Ermənistan silahlı qüvvələrinin dinc azərbaycanlı əhaliyə qarşı ağır artilleriyadan istifadə etməklə  həyata keçirdiyi hücumları şiddətlə pisləyir.

Qurum Ermənistanın bu iyrənc və qeyri-insani silahlı hücumları nəticəsində dinc Azərbaycan vətandaşlarının, o cümlədən, 13 yaşlı Şəhriyar Qurbanovun və 14 yaşlı Fidan Qurbanovanın həlak olmasından dərin kədər hissi keçirdiyini, eyni zamanda Ermənistan silahlılarının Azərbaycan ərazisindəki yaşayış məskənlərini vəhşicəsinə ağır artilleriya atəşinə məruz qoymasından dəhşətə gəldiyini bildirir. Bəyanatda həmçinin, mülki vətəndaşlara və infrastruktura qarşı edilən hücumların 1949-cu il Cenevrə konvensiyalarına tamamilə zidd olduğu və bəşəri dəyərləri ciddi şəkildə hədəfə aldığı bildirilir.

İƏGF-nin Avrasiya üzrə Regional Mərkəzi Azərbaycan xalqı və hökuməti ilə tam həmrəy olduğunu ifadə edərək, ölkə əhalisinin təhlükəsizliyini və ümumilikdə bölgədəki sülhü terrora məruz qoyan Ermənistanın hərbi təcavüzünün sonlandırılması istiqamətində aparılan əkshücum əməliyyatlarını dəstəklədiyini bildirir.

 

Saytın materiallarından istifadə edərkən istinad vacibdir!
30 Sentyabr, 2020  12:37 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!