ABŞ-ın  Miçiqan ştatında İslami Mərkəzin (American Islamic Community Center) yeni şöbəsinin təməlqoyma mərasimi keçirilib.

Ahlibeyt.az-ın İQNA-ya istinadən verdiyi xəbərə görə, Miçiqan ştatındakı "Sterling Heights" şəhərində  Amerika İslami İcma Mərkəzinin yeni binası Əhli-beyt (ə) ardıcılının dəstəyi ilə tikiləcək.

2016-cı ildə başlanması planlaşdırılan İslam mərkəzinin inşası dayandırılmış və iki həftə öncə bu İslam mərkəzi üçün inşaat icazəsi təsdiq edilmişdir.

Amerika İslam Cəmiyyətinin üzvlərindən olan Sam Sobh təməlqoyma mərasimində çıxış edərək bildirib ki, hədəfimiz digər dini cəmiyyətlərlə əlaqələrin genişləndirilməsidir:

 

"Amerika İslam Cəmiyyəti öz tənqidçilərini bağışlayır və ümid edirəm ki, inşa edilən bu mərkəzin istifadəyə verilməsi dinlərarası dialoq üçün bir məkana çevriləcək".