إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Türkiyədə “Aya Sofya” 86 il sonra məscid kimi ibadətə açıldı (Foto-Video)

Türkiyə Prezidenti Rəcəb Tayyip Ərdoğan da cümə namazı üçün iqamətgahından “Ayasofya”ya gəlib.

Ahlibeyt.az-ın Qafqazinfoya istinadən məlumatına görə, bu gün “Ayasofya” 86 il sonra məscid kimi ibadətə açıq elan edilib.

"Ayasofya-i Kebir Cami-i Şerifi"də ilk namaz qılmaq üçün sübh azanından sonra bölgəyə izdihamlı insan axını başlayıb.

Məscidə gedən 11 nöqtədə təhlükəsizlik məntəqələri quraşdırılıb, ibadət üçün gələnlərə maska verilib, əlləri dezinfeksiya olunub.

Bundan əlavə, İstanbul valisi Ali Yerlikaya “Ayasofya” ətrafında  namazı qılmaq üçün nəzərdə tutulan yerlərin dolduğunu, bu səbəbdən əraziyə girişlərin bağlandığını söyləyib.  Həmçinin tarixi məkana yaxın olan metrostansiyalar fəaliyyətini dayandırıb.  Eyni zamanda izdihama görə böyük tıxaclar yaranmağa başlayıb.

Xatırladaq ki, Türkiyə məhkəməsi İstanbuldakı Aya Sofya məbədinin muzeydən məscidə çevrilməsi ilə bağlı qərar verib. Danıştay (dövlət idarəçiliyi ilə bağlı işlərə baxan məhkəmə) Aya Sofyanın məsciddən muzeyə çevrilməsinə dair 24 noyabr 1934-cü il tarixli Nazirlər Kabinetinin qərarını ləğv edib.

Türkiyə Prezidenti Rəcəb Tayyib Ərdoğan Aya Sofya məbədinin muzeydən məscidə çevrilməsi ilə bağlı məhkəmənin qərarını təsdiqləyib. Fərmana əsasən, Aya Sofyanın Türkiyə Diyanət İşləri Başqanlığının balansına verilməklə ibadətə açılmasına qərar verilib.

Aya Sofyaya 3 imam və 5 müəzzin təyin edilib.

Türkiyədə “Ayasofya” izdihamı

1

1

1

1

Saytın materiallarından istifadə edərkən istinad vacibdir!
24 İyul, 2020  13:15 Çap

Bu bölmədə


© 2020 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com