إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Türkiyədə bağlanan məscidlər 74 gün sonra açılıb

Türkiyədə yeni növ koronavirusla (COVID-19) mübarizə tədbirləri çərçivəsində bağlanan məscidlər 74 gün sonra açılıb.

Ahlibeyt.az-ın məlumatına görə, APA-nın yerli bürosunun məlumatına əsasən, bu gündən başlayaraq Türkiyənin Diyanət İşləri Müdürlüyü 81 vilayətin şəhər və rayonlarında qılınacaq cümə namazlarının siyahısını açıqlayıb.

Qaydalara görə, 16 martdan fəaliyyəti dayandırılan ibadət evləri tədricən fəaliyyətə başlayacaq. Hazırda 264 məsciddə ibadətlərin icra olunması müəyyənləşdirilib. Qaydalara görə, cümə namazları açıq havada qılınmaqla, möminlərin məscidlərdə yox, evlərində dəstəmaz alaraq gəlmələri, özləri ilə şəccadə (namazlıq) gətirmələri, namaz qılarkən sosial məsafəni qorumaları və maska geyilməsi tələbləri ilə icra olunur. Tələblərdə məscidlərin öncədən dezinfeksiya olunması, düzgün havalandırılması və ibadətə gələnlərin əllərinin dezinfeksiya edilməsi, gigiyenik tələblərə əməl etməsi şərtləri də var.

 

Saytın materiallarından istifadə edərkən istinad vacibdir!
29 May, 2020  16:47 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!