İran səhiyyə, gigiyeniya və sosial məsafə şərtlərinə əməl etmək şərtilə açıq məkanlarda Fitr bayramı namazının qılınmasına icazə verib.

Ahlibeyt.az-ın verdiyi xəbərə görə, Salamnews İSNA-ya istinadla xəbər verir ki, bu barədə İranda Koronavirusla Mübarizə Mərkəzindən məlumat verilib.

Bildirilib ki, ölkə paytaxtı koronavirsun yayılması ilə bağlı hələ də “Qırmızı bölgə” hesab edilsə də burada Fitr bayramı namazının müəyyən şərtlərin riayət edilməsilə qılınmasına icazə veriləcək.

Məlumata görə Fitr bayramı namazı camaatla, bağlı məkanlarda deyil açıq məkanlarda qılınmalı, hər kəs möhür və səccadəsini özü ilə gətirməli, namaz vaxtı müəyyən məsafəyə və maska taxmaq kimi digər səhiyyə şərtlərinə əməl etməklə qılmalıdır.

Həmçinin İranda “Ağ bölgələrdə” məktəblər də açıq elan edilib.

Xatırladaq ki,bu günə qədər İranda koronavirusa yoluxanların ümumi sayı 120 mini keçib, onlardan 96 minə yaxın sağalaraq evə buraxılıb və 7 minə qədəri dünyasını dəyişib.