İki hicablı qadın İtaliyada islamofoblar tərəfindən döyülüblər

İtaliyanın Monterotondo şəhərində iki hicablı xanım islamofoblar tərəfindən döyülüblər.

Əslən tunisli olan xanımlar şəhərdə gəzişdikləri zaman iki nəfər islamofob onlara hücum edərək onlara zərbələr yendirməyə başlayıblar. Xanımların bildirdiklərinə görə onları döyən şəxslər onlaı təhqir edərək "müsəlmanlar terroristdir", "vətəninizə geri dönün", "hicablarınızı çıxardın bura İtaliyadır" ifadələri işlədiblər.

Hücuma məruz qalan şəxslər həmçinin bildiriblər ki, hadisə zamanı ətrafda olan şəxslər onlara kömək etməmiş, hətta təcavüzkarlara dəstək də veriblər.

Baş vermiş hadisədən sonra şəhər meri bu hadisənin ümumən Monterotondo şəhərinin adına ləkə gətirdiyini və cinayətkarların həbs ediləcəyini bildirib.

Monterotondo polisi artıq hadisəni törədənlərdən birinin həbs edildiyini, digərinin barəsində isə axtarış elan edildiyini açıqlayıb.