Yəmən ordusu Səudiyyədə koalisiya qüvvələrinin aeroportunu qanadlı raketlə vurdu

Yəmən ordusu və "Ənsarullah" hərəkatı döyüşçüləri  Səudiyyə Ərəbistanı cənubunda Beynəlxalq  Abna Hava limanına raket hücumu həyata keçirib.

Ahlibeyt.az-ın al-masirah-a istinadən verdiyi xəbərə görə, bu barədə husilərin hərbi sözcüsü Yəhya Səri  məlumat verib.

Onun sözlərinə görə,  «Qüds-1» qanadlı raketlə həyata keçirilib, hədəf isə Səudiyyə başda olmaqla koalisiya qüvvələrinin  ortaq əməliyyat  mərkəzi ilə döyüş təyyarələrinin yerləşdiyi  aeroport olub.

Hücumla əlaqəda hava limanındakı uçuşlar təxirə salınıb.

Səudiyyə Ərəbistanı hücumu təsdiqləyib.

Xatırladaq ki, 2015-cü ildən etibarən Səudiyyə istefa verərək ölkəni tərk etmiş Yəmən prezidenti Mənsur Hadiyə  dəstək verərək onu geri qayrtarmaq üçün hərbi əməliyyatlara başlamışdır.Müharibə yolu ilə Yəmən xalqını təslim edə bilməyən Səud koalisiyası ABŞ-ın dəstəyi ilə Yəməni blokada şəraitində saxlayır. Hazırda 21 milyon əhalisi olan Yəmənin 80 faizi aclıqdan əziyyət çəkir. Vəbaya yoluxma halı 500.000-dən çoxdur. Onların 460 mini uşaqdır.