"Bura siz terroristlərin deyil, bizim vətənimizdir!"

Kaliforniya ştatının San-Diyeqo şəhərində əslən iraqlı olan beş uşaq anası 32 yaşlı Şəyma əl-Əvadi irqçilər tərəfindən qətlə yetirilib.

Şəymanın qızı 17 yaşlı Fatimə çərşənbə günü axşam evə döndükdə anasını evdə huşsuz halda tapıb və dərhal təcili tibbi yardım xidmətinə zəng edib. Xəstəxanaya qaldırılan Şəymanın baş nahiyəsindən aldığı zərbələr ağır olduğundan həkimlərin səyləri heç bir nəticə verməyib və o srağagün dünyasını dəyişib.

Mərhumun qızı Fatimə anasını tapdığı zaman kənarında "Vətəninizə geri dönün!" sözləri yazılmış kağız parçasını da tapdığı açıqlayıb. O həmçinin bir neçə gün öncə "Bura siz terroristlərin deyil, bizim vətənimizdir!" sözləri yazılmış anonim məktub aldıqlarını amma həmin məktubu ciddiyə almayaraq əhəmiyyət vermədiklərini bildirib.