“Liviya Milli Ordusu” Marzuq şəhərini radikal qruplaşmalardan geri alıb

Liviyada 2011-ci ildən başlayan gərginlikdən sonra ölkənin cənub hissəsində bəzi ərazilər Çad Respublikası ərazisindən gələn qruplaşmaların nəzarətinə keçmişdi. İndi isə Liviyanın “Milli Ordusu” burada bəzi bölgələri geri almağa nail olub.

Ahlibeyt.az-ın məlumatına görə, SalamNews Reuters-ə istinadla bildirir ki, “Liviya Milli Ordusu” bir neçə gün sürən şiddətli qarşıdurmalardan sonra ölkənin cənubunda yerləşən Marzuq şəhərini Çad Respublikasından keçən radikal qruplaşmalardan azad edə bilib.

Eyni zamanda Liviyanın hava qüvvələri də Çad Respublikasının müxalifətinə bağlı olan silahlılar deyilən bu qruplaşmalara hava zərbələri endirib.

Qeyd edək ki, “Liviya Milli Ordusu” sabiq diktator Müəmmar Qəzzafi əleyhinə təşkil edilmiş və hazırda general Xəlifə Xəftərin rəhbərliyi altında ölkə ərazisinin böyük hissəsini radikal silahlı qruplaşmalardan təmizləmişdir.