Hollandiya siyasətçiləri məscidlərin qorunmasını tələb edirlər

Hollandiyada yaşayan bir sıra müsəlman siyasətçilər dövlətdən məscidlərin və İslam təşkilatlarının radikal irqçilərin hücumundan qorunması üçün təhlükəsizlik tədbirlərinin gücləndirilməsini tələb ediblər.

Ahlibeyt.az-ın İqna-ya istinadən məlumatına görə, siyasəçtilər bəyanat yayaraq bildiriblər ki,   ölkənin paytaxtı Amsterdamən deyil bütün ölkə boyunca məscid və dini müəssisələr qorunma altına alınmalıdır.

Hollandiyanın müsəlman parlament nümayəndəsi Tunahan Kuzu bu barədə deyib:

"Bu ölkədə keçən 10 il ərzində 300 məscid irqçi radikalların hücumuna məruz qalmışdır. Buna görə də ölkə boyunca hər yerdə məscidlərin mühafizə sistemi gücləndirilməlidir."

Qeyd edək ki, bir neçə gün əvvəl Amsterdam şəhərinin meri yerli şuraya məktub yazaraq məscidlərin və İslami müəssisələrin mühafizə sisteminin gücləndirilməsini tələb edib.