Ali Səud və Ali Xəlifə ABŞ-ın sazının havası ilə oynayır

Ayətullahul-Üzma Şeyx Nuri Həmədani bu gün İİR-nin silahlı qüvvələrinin yüksək rütbəli zabitlərini qəbul edib və bölgədə baş verən hadisələr barədə öz fikirlərini bölüşüb.

Görüş zamanı mərcei-təqlid Ali Səudun, Ali Xəlifənin, Ali Səbanın və bütün "Alilərin" ABŞ-a xidmət etdiklərini bildirərək onların ABŞ-ın sazının havası ilə oynadıqlarını bildirib.

ABŞ rəhbərlərini nadan adlandıran mərcei-təqlid deyib ki, məgər onlar bilmirlər ki, öz xalqının qanını tökənlər mütləq süqut edəcəklər? Ayətullah Həmədani həmçinin deyib ki, o millət ki, qanından və canından keçir, heç vaxt geri çəkilməyəcəkdir və daha da güclənəckdir.

Bundan başqa ərəb ölkələri başçılarını da nadan adlandıran Ayətullah Nuri Həmədani deyib ki, bu gün Suriyanı İranla bərabər sionistlərə qarşı dayandığına görə cəzalandırılmaq istəyirlər. Buna görə müxalifət adlandırdıqları silahlı şəxslərə yardım edirlər. Amma Ali Xəlifə rejiminə müxalif olan Bəhreyn xalqını görməməzlik edir və orada insanlara qarşı edilən cinayətlərə heç bir etiraz bildirmirlər.