Bəhreyndə 500 min nəfərlik etiraz aksiyası keçirilir (foto)

Bəhreyndən verilən son məlumatlara görə, Ayətullah Şeyx İsa Qasimin dəvətilə bu gün Bəhreyndə keçirilməsi nəzərdə tutulan etiraz aksiyasının başlandığı və 500 min bəhreynlinin bu aksiyada iştirak etdiyi bildirilir.

Bildirilir ki, keçən Cümə namazında Bəhreyn şiələrinin lideri mart ayının 9-da camaatı küçələrə çıxmağa səsləmişdi ki, onun bu səsinə 500 min nəfər cavab verib. Bu gün elə Şeyx İsa Qasimin Deraz məntəqəsində imamlıq etdiyi Cümə namazında da camaatın sayı həmişəkindən dəfələrlə çox olmuşdur ki, şahidlərin sözlərinə görə, namazda iştirak edənlər məscidə bitişik küçələri də əhatə etmişdi.

Etiraz aksiyasında ilk dəfə olaraq Bəhreyn şiələrinin lideri Ayətullah Şeyx İsa Qasim şəxsən iştirak edir.