إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Kabildə Peyğəmbər(s) mövludu keçirilən mərasimdə partlayış törədilib – 48 şəhid var

Kabildə Məhəmməd Peyğəmbərin mövlud mərasiminin keçirildiyi bir mərasim zalına hücum edilib.

Ahlibeyt.az-ın məlumatına görə, SalamNews  BBC.Farsi-ə istinadla xəbər verir ki,  bu terror aktında din xadimləri də daxil olmaqla 48 nəfər şəhid olub.

88 nəfər müxtəlif dərəcələrdə yaralanıblar.

Məlumata görə partlayış bir kamikadzenin özünü mərasim zalı daxilində partlatması ilə törədilib.

Əfqanıstan hökuməti çərşənbə gününü ölkədə matəm elan edib.

Məlumata görə terror hücumunun məsuliyyətini  İŞİD-in bölgədəki qolu hesab edilən “Xorasan İslam Dövləti” üzərinə götürüb.

BMT, Pakistan, İran və sair dövlətlər bu hücumu kəskin şəkildə pisləyiblər.

Qeyd edək ki,bu il Əfqanıstan höküməti  və ölkənin "Əmək və Sosial Məsələlər Nazirliyi" Həzrət Peyğəmbərin (s) mübarək mövludunun ( əhli-sünnə məzhəbinə uyğun olaraq qəməri təqvimi ilə 12 rəbiül əvvəl - 20 noyabr)  rəsmi tətil olaraq təqvimə salındığını elan edib.

 

 

Saytın materiallarından istifadə edərkən istinad vacibdir!
21 Noyabr, 2018  10:32 Çap

Bu bölmədə


© 2024 .Bütün hüquqlar qorunub.
Saytın materiallarından istifadə edərkən istinad vacibdir!