Dünyanın ən qiymətli təsbehi hazılrlanıb

Fransanın paytaxtı Parisdə yaşayan livanlı rəssam və zərgər Naci Ouba "ər-Rəhman təsbehi" adlandırdığı dünyanın ən qiymətli təsbehini hazırlayıb.

Hazırlanmasına iki il vaxt sərf olunan təsbehin hər bir dənəsinə Allahın gözəl adlarından(Əsmaul-Husna) biri nəqş olunmuşdur. Naci Ouba təsbeh barədə danışarkən deyib ki, mən və digər zərgərlər "ər-Rəhman təsbehi"nə qiymət qoymaqda acizik. Çünki təkcə təsbehə sərf olunan mirvari və göy sapfirlərin dəyəri 1,5 milyon ABŞ dolları təşkil edib. Amma təsbehə sərf olunan qiymətli daşlar onun mənəvi qiymətindən dəfələrlə aşağıdır.

16 min mirvari və göy sapfir daşının işləndiyi və 999 əyarlı təmiz qızıldan hazırlanmış "ər-Rəhman təsbehi"nin yaxın zamanlarda "Ginnesin Rekordlar Kitabı"na ən qiymətli təsbeh adı ilə salınacağı bildirilir.