Avropa Parlamenti Yəmənlə bağlı Səudiyyənin əleyhinə qətnamə çıxarıb

Aropa Parlamentinin qətnaməsi Səudiyyə Ərəbistanı və digər əlaqəli dövlətlərdən istəyib ki, Yəmənə tətbiq edilən mühasirəni götürsünlər.

Ahlibeyt.az-ın məlumatına görə. Salamnews-un əl-Məyadinə istinadla xəbər verir ki, Avropa parlamenti ötən gün keçirdiyi toplantısında Yəmən müharibəsi ilə bağlı qətnamə çıxarıb.

Qətnamədə Səudiyyə Ərəbistanı, BƏƏ və Yəmən müharibəsində əli olan digər tərəflərdən müharibənin dərhal dayandırılması tələb edilib.

Qətnamənin bir bəndində isə dünya dövlətlərindən tələb edilib ki, Səudiyyə Ərəbistanı, Bİrləşmiş Ərəb Əmirliyinə və digər tərəflərə silah satılmasını dayandırsınlar.

BƏƏ-nin əmirinin müşaviri Ənvər Qarqaş Avropa Parlamentinin bu qətnaməsini tənqid edib.

Qeyd edək ki, Səudiyyə Ərəbistanı və koalisiyası 2015-ci ilin martından Yəməndə müharibəyə başlayıb.